ҰЛАНДАР ДОСТЫҒЫ ҰЛТ БІРЛІГІНЕ ҰЛАСАДЫ

Мақтаарал ауданы аудандық «Жастар ресурстық орталығы» және «Қоғамдық келісім» КММ-нің ұйымдастыруымен Мақтаарал ауданының 90 жылдық мерейтойы аясында спорттың 5 түрінен «Ұландар достығы ұлт бірлігіне ұласады» атты спартакиада ойындары болып өтті. Аудандағы этномәдени орталықтары мен аудандағы жұмыссыз жастардан құралған командалар кіші футбол, волейбол, арқан тартыс, үстел теннисі, армрестлингтен сынға түсті.
«Өздеріңізге белгілі, қазіргі таңда ауданымыздың 90 жылдық мерейтойы кең көлемде атап өтілуде. Осы айтулы мереке қарсаңында аудандағы этномәдени орталықтарының жастары арасында спартакиада ұйымдастырылды. Бұл іс-шараның басты мақсаты – Мақтаарал ауданының тұрғындары мен жастарының арасында бұқаралық спортты дамыту болып табылады. Сонымен қатар, ауданымызда отыздан аса ұлт өкілдері тұрады және біз бірлігіміз жарасқан кезде ғана жетістікке жетеміз. Сондықтан, ұлттар достығын насихаттайтын осындай іс-шаралардың көп болуын өз басым қолдаймын. Бүгінгі жарысқа белсене қатысқандарға алғысымды білдіремін. Спортта да өмірде де биік шыңдарды бағындыра беріңіздер!» — деді аудан әкімі Бақыт Нәсірханұлы.
Ауданның барлық округтері мен кенттерін қамтыған спорттық іс-шара қортындыланып, орын алған жүлдегерлерге бағалы сыйлықтар табысталды. Спартакиаданың қорытындысы төмендегідей:
Футбол
1 орын – «Қоғамдық келісім» КММ
2 орын – Жаңажол а/о
3 орын – Аудандық спорт бөлімі
Волейбол
1 орын – Мақтаарал а/о және Атакент кенті
2 орын – Мырзакент кенті
3 орын – Бірлік а/о
Армрестлинг
1 орын – Бірлік а/о
2 орын – Мақтаарал а/о
3 орын – Атакент кенті
Арқан тартыс
1 орын – Еңбекші а/о мен Иіржар а/о
2 орын – Бірлік а/о
3 орын – 2037 әскери бөлім
Үстел теннисі
1 орын – Мырзакент кенті
2 орын – 2037 әскери бөлім
3 орын – 2037 әскери білім
Айта кетейік, спартакиадаға ауданға қарасты 2 кент пен 9 ауылдық округтегі этномәдени орталықтарынан және жұмыссыз жастардан он бес команда қатысты.