Министр азық-түліктің қашан қымбаттайтынын айтты

1012
0

Жаңа жылға қарай Қазақстанда азық-түлік бағасы өсе ме? Бұл туралы Ұлттық экономика министрі Әсет Ерғалиев айтты, — деп хабарлайды Zakon.kz.

Жаңа жыл қарсаңында қазақстандық саудагерлер Қытайдан тауар кіргізе алмай, тауардың бәрі жаппай қымбаттайды деседі. Ұлттық экономика министрлігі қандай да бір шаралар қабылдай ма? — деп сұрады журналистер Мәжіліс отырысында министрден.

Қытай мен шекара мәселесінің біздің министрлікке қатысы жоқ. Кеден мен сауда Қаржы министрлігіне қатысты мәселе. Бағаның өсуі бойынша маусымдық ауытқу болады, желтоқсан айында елдің бәрі жаңа жылдық мерекелерге дайындалады. Сондықтан белгілі бір азық-түлік өнімдерінің бағасы өседі, — деді Ұлттық экономика министрлігінің басшысы.

Сондай-ақ, одан дүкенде нан мен картоп қанша тұрады деген сұрақ қойылды.

Нан түріне қарай орта есеппен 130 теңге тұрады. Картоп шамамен 425 теңге тұрады, деп жауап берді Ерғалиев.