ЖОСПАР 2025: АБАЙ АУДАНЫНДА 5 ӘМБЕБАП ДЕМАЛЫС АУМАҒЫ САЛЫНАДЫ
Биыл ауданда «Халық қатысатын бюджет» жобасы аясында 24 жоба іске асырылады. Оның ішінде 16 ойын алаңшасы, 3 спорт алаңшасы, 5 гүлзар, 34 мың шаршы метрге аяқ жол салу жұмыстары атқарылады. Аудан аумағында көгаландыру және абаттандыру жұмыстарының үлесін арттыру мақсатында 5 жерге әмебебап демалыс орындарын салу жоспарлануда.
Атап айтқанда Достық шағын ауданы, Ақбосаға көшесіне, Достық шағын ауданы, Ақсу-аюлы көшесіне, Қызылжар шағын ауданы, Тоқбәйге көшесіне, Нұршуақ шағын ауданы, Миялы көшесіне, Асар-2 шағын ауданы, Нұр жол көшесіне гүлзар салынатын болады. Сонымен қатар, 34 мың шаршы метрге 50 көшеге аяқ жол салу, 20 шақырымға 35 көшеге шағал тас төсеу және 10 мың шаршы метрге 40 көшеде ойылған шұңқырларды жамау жұмыстары да жүргізіледі.
