ТҮРКІСТАННЫҢ «ТҰРАН» ВОЛЕЙБОЛШЫЛАРЫ ТАРИХИ ЖЕҢІСКЕ ҚОЛ ЖЕТКІЗДІ
Түркістанда волейболдан ұлттық лигадағы әйелдер командалары арасында ҚР ХХХІІ чемпионатының плей-офф ойындары аяқталып келеді. Шаршы алаңдағы волейбол бәсекесіне елімізден 8 команда қатысып, өзара мықтыларын анықтаған болатын.
«Тұран» волейболшылары алдымен Петропавлдың «Қуаныш» командасымен кездесіп, қарсыластарын қапы қалдырды. Ал финалда Өскеменнің «Берел» бұрымдыларымен кездесіп, «Тұран» құрамасы екі күн қатарынан жеңіске жетіп, ҚР ХХХІІ чемпионатының жеңімпазы атанды. Биыл волейболдан әйелдер арасындағы ұлттық лига ойындарына екінші рет қатысқан тұрандықтар сенсациялық нәтиже тіркеп, тарихи жеңіске қол жеткізді.
Енді ойынның соңғы күні «Жетісу» мен «Қуаныш» командалары қола жүлде үшін шешуші ойын өткізеді.
