ӨЗБЕКСТАНДАҒЫ ЖҰМЫССЫЗДЫҚ ДЕҢГЕЙІ 6,8 ПАЙЫЗҒА ДЕЙІН ТӨМЕНДЕДІ
Өзбекстанда жұмыссыздық деңгейі 2020 жылғы 10,5 пайыздан 2024 жылдың басына қарай 6,8 пайызға дейін төмендеді. Бұл туралы Кедейшілікпен күрес және жұмыспен қамту министрлігінің баспасөз қызметі хабарлады.
Кедейлік деңгейі 2021 жылы 17 пайыздан, 2023 жылы 14 пайызға, ал 2024 жылдың басында 11 пайызға дейін төмендейді деп күтіліп отыр.
Жұмыспен қамтуды қамтамасыз ету және кедейшілік деңгейін төмендету мақсатында өткен 6 айда 113 мың жұмыссыз азаматтар кәсіптік және кәсіпкерлік дағдыларға оқытылды. Өткен жылдың сәйкес кезеңімен салыстырғанда бұл көрсеткіш 1,5 есеге өскен.
2024 жылдың маусым айында шетелде жұмыс істегісі келген 64 мың адам заңды, қауіпсіз және ұйымдасқан түрде шет елдерге жұмысқа жіберілген.
«Өзбекстан-2030» стратегиясына сәйкес 2024 жылы кедейшілік деңгейін 10 пайызға дейін төмендету жоспарланған.
