ТҮРКІСТАНДА «ЖЕМҚОРЛЫҚСЫЗ БОЛАШАҚ» ҰРАНЫМЕН ҮСТЕЛ ТЕННИСІНЕН АШЫҚ БІРІНШІЛІК ӨЗ МӘРЕСІНЕ ЖЕТТІ
Түркістанда жастар ға арналған жоба қатары артып келеді. Басым бөлігі мәдениет, IT және спорт саласына қатысты болып отыр. Ьұл жолы киелі шаһарда үстел теннисінен «Жемқорлықсыз болашақ» ұранымен өткен ашық біріншілік өз мәресіне жетті. Бұл спорттық шара 2009-2015 жылғы жасөспірімдер арасында ұйымдастырылып, жастардың спортқа деген қызығушылығын арттыру, салауатты өмір салтын насихаттау, әрі оларды бәсекеге қабілетті азаматтар ретінде тәрбиелеу мақсатында өткізілді. Жарысқа еліміздің әртүрлі аймақтарынан, атап айтқанда, Қызылорда, Шымкент, Жетісай, Сарыағаш, Кентау қалаларынан, сондай-ақ Созақ, Бәйдібек және Төлеби аудандарынан 300-ге жуық спортшы қатысты.
Жарыстың ашылуында Түркістан қаласының балалар мен жасөспірімдер спорт мектебінің директоры Әнуар Сәрсенбаев сөз сөйлеп, қатысушыларға сәттілік тілеп, спорттың жастар өміріндегі маңызына тоқталды. Ол үстел теннисінің денсаулыққа пайдасы мен интеллектуалдық даму үшін қаншалықты маңызды екенін атап өтті.
«Үстел теннисі – пайдасы мол спорт. Ақыл-ойды сергітіп, мидың саулығын сақтайды. Шапшаңдық арқылы буындарға да жақсы әсер береді. Бұл спорт түріне жастардың қызығушылық танытып, сайысқа қатысып жатқанына қуаныштымын. Жас спортшыларға алдағы уақытта тек сәттілік тілеймін», – деді Әнуар Амантайұлы.
Жарыс барысында спортшылар өздерінің шеберліктерін көрсетіп, жеңіске жету үшін барын салды. Кішігірім, бірақ өте тартысты бәсекелер өтті, мұнда әр қатысушы жекелей жарыстарда да, командалық сайыстарда да өз өнерін паш етті. Түрлі қалалардың үздіктері жиналып, жарысқа қызықты сәттер қосып, спорттың жарысқа толы атмосферасын құрды.
Жарыс қорытындысы бойынша Түркістан қаласы 8 медальмен марапатталса, Шымкент қаласы 15 медальды жеңіп алды, ал Қызылорда облысының спортшылары 4 медальмен келді. Сарыағаш, Созақ және Сауран аудандары бір-бір жүлдені иеленді. Бұл нәтиже спортшылардың тек жарыстағы ғана емес, жалпы дағдыларын дамытудағы табыстарын көрсетеді.
Осы біріншіліктің ұйымдастырылуы жастар арасында спортқа деген қызығушылықты арттырумен қатар, оларды дене шынықтыру мен салауатты өмір салтына тарту мақсатында жүзеге асырылған шаралардың бірі. Бүгінде Түркістан облысында спорттық жарыстардың көбейіп, балалар мен жасөспірімдердің спортқа тартылуы қоғамда белсенді өмір салтын қалыптастыруда маңызды рөл атқаруда.
Ашық біріншіліктің ұйымдастырылуы – жастардың әлеуетін арттыру, олардың физикалық белсенділігін ынталандыру, сондай-ақ спорттың насихатын кеңейту үшін тағы бір мүмкіндік болып табылады. Мәселен, үстел теннисі сияқты спорт түрлері жастардың психологиялық, физикалық дамуына, сонымен қатар командада жұмыс істеу, қарсыласқа құрмет көрсету, жеңіске жетуге деген құштарлықты тәрбиелеуге көмектеседі.
Түркістан – спорттық шаралар мен мәдени оқиғаларды өткізу үшін қолайлы аймақ. Мұнда жастардың спортпен айналысуы үшін барлық қажетті жағдайлар жасалған. Бұл шараның сәтті өтуі, болашақта спорттық жарыстардың жиі ұйымдастырылатынына сенімділік береді. Түркістанда үстел теннисінен өткен ашық біріншілік – жастар үшін үлкен тәжірибе мен шабыт көзі болды.
Жасөспірімдердің осындай бәсекеге қатысуы, спорт саласында өздерінің шеберліктерін көрсетуі – әрқайсымыз үшін мақтаныш. Алдағы уақытта осындай шаралардың көптеп өткізілуі жастарды жігерлендіріп, еліміздің спорттық әлеуетін көтеруге септігін тигізеді. Түркістан қаласының мұндай жарыстары жастардың спортқа қызығушылығын арттырып, еліміздің спорттық дәстүрін жалғастыруда маңызды рөл атқаратыны сөзсіз.
Сонымен қатар, жастардың қатысуымен өткен шаралар олардың өмірінде тек спортпен шұғылдану емес, сонымен қатар, жақсы достар табуға, командалық рухты қалыптастыруға, жаңа тәжірибе алуға мүмкіндік береді. Түркістандағы үстел теннисінен ашық біріншілік – болашаққа жол ашып, жастарды жаңа жетістіктерге жетуге ынталандырады.
