БОС УАҚЫТТА ТИІМДІ ПАЙДАЛАНУ ТЕТІКТЕРІ ТҮСІНДІРІЛДІ
Шымкент қаласы білім басқармасына қарасты №131 жалпы орта білім беретін мектепте 2025 жылдың 12 қарашасында оқушылардың эмоциялық дамуын қолдауға бағытталған іс-шара өтті. Мектеп директоры Жарасова Гүлжан Спандиярқызының басшылығымен, директордың тәрбие ісі жөніндегі орынбасары С. Қосалиеваның және қосымша білім беру педагогы Маметова Алияның ұйымдастыруымен өткізілген шара Білім басқармасының Әдістемелік орталығы «Өркен» балалардың әл-ауқатын арттыру ұлттық ғылыми-практикалық институтының 2025 жылғы 5 қарашадағы хатына сәйкес «ДостықLIKE: достық қолын ұсын!» республикалық акциясы аясында өтті.
Іс-шара мектебіміздің 7 «ә» сынып оқушыларына арналған «Достық ағашы» тренинг формасында ұйымдастырылды. Педагог-психолог А. Жақсылық жетекшілік еткен тренингтің мақсаты – оқушылардың өз көңіл-күйін түсіну, оны басқару, қадағалау және дұрыс бағалай білу дағдыларын қалыптастыру болды. Тренинг барысында оқушылар достық, өзара қолдау және эмоцияларын дұрыс жеткізу жолдарын үйренді. «Достық ағашы» жаттығулары арқылы әрбір оқушы өз сезімін бейнелеп, топ ішінде пікір алмасып, әртүрлі жағдайларда эмоциялық реакцияларын дұрыс басқаруды тәжірибеде көрсетті. Сонымен қатар, топтық жұмыс барысында сыныптағы достық қарым-қатынасты нығайтуға, бір-біріне қолдау көрсетуге, сенім қалыптастыруға ерекше мән берілді. Бұл іс-шара «Адал азамат» біртұтас тәрбие бағдарламасының негізгі құндылықтарымен үйлеседі. Бағдарлама жас ұрпақты жауапты, сенімді, эмоциялық интеллекті дамыған, өз сезімін дұрыс бағалай білетін және қоғаммен үйлесімді әрекет ете білетін тұлға ретінде қалыптастыруға бағытталған. «Достық ағашы» тренингі оқушылардың тұлғалық дамуына, әлеуметтік дағдыларын жетілдіруге және сыныптағы өзара қарым-қатынасты жақсартуға зор үлес қосады.
Мектепте өткізілген бұл шара жасөспірімдердің эмоциялық сауаттылығын арттырып қана қоймай, олардың достық пен сенім негізінде топтық ынтымақтастыққа үйренуіне мүмкіндік берді. Мұндай практикалық тренингтер оқушылардың өз сезімін басқаруды үйренуі, басқаларға құрметпен қарауы және болашақта жауапты, саналы азамат болып қалыптасуына елеулі үлес қосады. Айта кету керек, «Адал азамат» бағдарламасының түпкі мақсаты – қоғамның мызғымас тірегі, отаншыл, білімді, жасампаз ұрпақ тәрбиелеу, әділеттіліктің, адамгершіліктің, жауапкершілік пен еңбексүйгіштіктің айқын бейнесі болатын адал азамат қалыптастыру.
