ҚАТТЫ АЯЗҒА БАЙЛАНЫСТЫ ҚАЙ ӨҢІРЛЕРДЕ САБАҚ БОЛМАЙДЫ?

Бүгін қатты аяз болуына байланысты кей өңірде бірінші ауысымдағы сабақтар болмайтын болды, деп хабарлайды uakit.kz Sputnikке сілтеме жасап.

Павлодарда, Қостанайда және Шығыс Қазақстанның бірнеше қаласы мен ауданында сейсенбі 5 ақпан күні мектепте сабақ болмайды.
Павлодарда бүгін 1-ші ауысымдағы 1-11-сынып оқушылары сабақ оқымайды. Мұнда ауа температурасы 33 градус аяз, желдің екпіні 4 м/с. Шығыс Қазақстан облысында қатты аязға байланысты сабақ болмайды. Семейде – бірінші ауысымдағы 1-9-сынып оқушыларына, Риддерде – бірінші ауысымдағы 1-9-сынып оқушыларына, Шемонаиха ауданында – бірінші ауысымдағы 1-4-сынып оқушыларына, Бесқарағай ауданында – бірінші ауысымдағы 1-11-сынып оқушыларына, Қостанайда бірінші ауысымдағы 0-9-сынып оқушыларына сабақ болмайды.

uakit.kz