ТҰРАНДАҒЫ 41 ТҰРҒЫН ҮЙДІҢ ҚҰРЫЛЫС БАРЫСЫ ҚАЛА ӘКІМІ БАҚЫЛАУЫНДА
Шымкенттегі “Тұран” шағынауданында бой көтерген 41 көпқабатты тұрғын үйдің құрылысы шаһар басшысы Мұрат Әйтеновтің тікелей бақылауында, деп хабарлайды Uakit.kz.
Шымкент қаласында көпқабатты тұрғын үйлердің құрылысы қарқын алған. Қала аумағында көптеген тұрғын үйлер бой көтеруде. Жалпы үшінші мегаполисте қолданысқа берілетін тұрғын үйлердің көлемі жыл өткен сайын артып келе жатқанын да айрықша айта кету керек. Бүгінде жүргізіліп жатқан құрылыс жұмыстарының сапалы әрі оның дер кезінде яғни жоспарға сәйкес аяқталуын қала әкімі өз қадағалауына алған.
Қала әкімі Мұрат Әйтенов бұған дейін мерзімінен кешіктірген компания өкілдеріне айыппұл салынып, қадағалау күшейтілетінін айтқан. Бірқатар ескертпелер берілген болатын. Осыған орай, бүгін М.Дүйсенбекұлы аталған шағын аудандағы көпқабатты үйлердің құрылыс басына арнайы барып, әрбірін жіті тексерді. Сондай-ақ 25, 26, 29 орамдарда жүргізіліп жатқан инфрақұрылым жүйелерінің құрылыс қарқынын да тексерді.
Нысанда қала әкімі тарапынан айтылған кемшіліктер жойылып, бірқатар түзетулер жасалған. Жоспарға сәйкес, құрылыс 2 кезеңмен жүргізілуде.
Шаһар басшысы құрылысы жүргізіліп жатқан тұрғын үйлердің мердігер мекемелеріне құрылыс сапасын қатаң бақылауды және бекітілген өндірістік кестеден ауытқымауды тапсырды.
Бұған қоса аталған аумақтағы тұрғын үйлерді жылу жүйесімен қамтамасыз етіп отқан жылу қазандығының жұмыс барысын қадағалады. Сонымен қатар жауын шашын салдарынан тұрғын үйлердің шатырынан, тұрғын үй жертөлесіне су жиналу және терезе айналасынан су өтіп зақымданған пәтерлерді де аралап шықты.
Айта кетейік, биыл Шымкентте «Нұрлы жер» бағдарламасы аясында 239,2 мың шаршы метрді құрайтын 2972 пәтерлі 51 көпқабатты тұрғын үйдің құрылысы жүргізілуде. Оның ішінде арендалық — 1320 пәтерді құрайтын 20 үй, кредиттік — 1652 пәтерлі 31 үй.
