ШЫМКЕНТ БИЗНЕС ПЕН САУДА ОРТАЛЫҒЫНА АЙНАЛҒАН ҚАЛА
Қазақстанның оңтүстігіндегі әсем қала Шымкенттің экономикалық дамуы қарқын алуда. Өнеркәсіптің кең спектрі және бірегей географиялық орналасуы бар бұл қала аймақтағы бизнес пен сауданың орталығы болып табылады.
Шымкент экономикасының негізгі салаларының бірі – өнеркәсіп. Мұнда металлургиялық өнімдер, құрылыс материалдары, тамақ өнеркәсібі және тоқыма өнеркәсібі дамыған. Өнімдерінің жоғары сапасы мен халықаралық нарықтағы бәсекеге қабілеттілігінің арқасында шымкенттік кәсіпорындар өз өнімдерін түрлі елдерге сәтті экспорттауда. Шымкент экономикасының дамуында туризмнің де алатын орны зор. Қала жыл сайын мыңдаған туристерді тартатын тарихи және мәдени көрікті жерлерге бай. Сәулет ескерткіштері, мұражайлар, саябақтар және бірегей табиғи нысандар келушілерге осы аймақтың бай және көп қырлы тарихына сүңгуге мүмкіндік береді. Туризмнің дамуы жұмыс орындарының көбеюіне, халық табысының артуы. Айта кету керек, бұдан біраз уақыт бұрын ҚР Премьер-Министрі Әлихан Смайыловтың төрағалығымен өткен Үкімет отырысында еліміздегі қаңтар-маусым айлары аралығындағы әлеуметтік-экономикалық даму қорытындысы қаралды. 6 айдың қорытындысы бойынша Шымкент қаласының барлық негізгі макроэкономикалық көрсеткіштерінде оң өзгерістер байқалғаны, өсім динамикасы тіркелгені атап өтілді. Мегаполисте негізгі капиталға бағытталған инвестиция көлемі өткен жылдың сәйкес кезеңімен салыстырғанда 30,4 пайызға артты. Құрылыс жұмыстары қарқынды жүргізіліп, көлемі 14 пайызға өсті. Пайдалануға берілген тұрғын үй көлемі 32,3 пайызға артты. Сонымен қатар, жалпы сауда көлемі 7,3%-ға, оның ішінде, бөлшек сауда 21,4 пайызға өскені байқалды. Үкімет басшысы жауаптыларға өңірлерді дамытуда бірқатар тапсырмалар жүктеп, жалпы қабылданып жатқан шаралардың тұрақты мониторингін қамтамасыз ету керектігін атап өтті. Аталған жиында ұлттық экономика министрі Әлібек Қуантыров І жартыжылдықтың қорытындысы бойынша Қазақстан экономикасының өсу қарқыны 5%-ды (нақты сектор – 4,8%, қызмет көрсету саласы – 4,9%) құрағанын баяндады. Барлық негізгі салалар оң динамика көрсетіп отыр, құрылыс, сауда, сондай-ақ ақпарат пен байланыс салалары бойынша ең жақсы көрсеткіштер тіркелді. Негізгі капиталға салынған инвестициялардың өсу қарқыны 13%-ды құрады.
