АБАЙ МҰРАСЫ – «АДАЛ АЗАМАТ» ҚҰНДЫЛЫҚТАРЫН ҚАЛЫПТАСТЫРУДЫҢ ТІРЕГІ
Шымкент қаласындағы Т.Тәжібаев атындағы №81 жалпы орта білім беретін мектеп кітапханасында «Ұлттық құндылықтар» тақырыбындағы айлық жұмыс жоспары аясында өткен Абай Құнанбайұлының шығармашылығына арналған әдеби кеш «Адал азамат» біртұтас тәрбие бағдарламасының бағыттарымен үйлесімді түрде ұйымдастырылды. Іс-шараның негізгі мақсаты – оқушылардың рухани-адамгершілік қасиеттерін дамыту, ұлттық мәдени құндылықтарды қастерлеу және адалдық, жауапкершілік, еңбекқорлық сияқты бағдарламада көрсетілген қасиеттерді қалыптастыру болды.
Әдеби кеш барысында оқушылар ұлы ақынның өмірі мен шығармашылығы туралы мәліметтер алып, оның қоғам, адам, үлгілі мінез туралы ой-тұжырымдарын талқылады. Абайдың еңбекті сүю, білімге ұмтылу, ар-намыс пен адамдықты жоғары қою жөніндегі өсиеттері «Адал азамат» бағдарламасының «Адалдық», «Еңбек және жауапкершілік», «Зияткерлік даму» секілді бағыттарымен тікелей үндеседі. Осы тұрғыдан іс-шара оқушылардың тек әдеби білімін кеңейтіп қана қоймай, олардың мінез-құлық мәдениетін қалыптастыруға ықпал етті. Кештің ең әсерлі бөліктерінің бірі — оқушылардың Абай өлеңдерін жатқа оқу сәті болды. Бұл әрекет жасөспірімдердің сөз мәдениетін жетілдіріп, олардың өзіне деген сенімін арттырып, көпшілік алдында еркін сөйлеу дағдыларын күшейтті. Сонымен қатар, Абайдың өлеңдеріндегі адал еңбек, әділдік, қайрат-жігер туралы ойлар оқушыларды адамгершілік тұрғысынан жетілген тұлға болуға ынталандырды. Оқушылардың «Менің жүрегімдегі Абай» атты эссе жазуы – олардың жеке ойлау мәдениетін дамытуға бағытталған маңызды жұмыс. Эссе жазу барысында оқушылар Абай сөздерінің өз өміріндегі маңызын саралап, оның адам болмысын тәрбиелеуге арналған қағидаларын қазіргі күнмен сабақтастыра білді. Бұл «Адал азамат» бағдарламасының «Ақыл-ой кемелдігі» және «Рухани-адамгершілік мәдениет» бағыттарына сай келетін тәрбиелік элементтерді қамтыды.
Іс-шара соңында оқушылар дайындаған «Абайдың даналық ойлары» атты презентация көрсетіліп, ақынның қара сөздерінен және өсиеттерінен алынған терең ойлар талқыланды. Презентацияда адалдық, ынтымақ, талап, еңбек, тәртіп сияқты адами құндылықтар көрсетіліп, олардың бүгінгі жас буын үшін маңыздылығы түсіндірілді. Бұл бөлім «Адал азамат» бағдарламасының ұлттық сана мен мәдени құндылықтарды насихаттау қағидатын жүзеге асыруға мүмкіндік берді. Мектеп кітапханасы ұйымдастырған бұл әдеби кеш жас ұрпақтың бойына ұлттық рухани мұраны сіңіріп, олардың адамдық бейнесін қалыптастыруға бағытталған мазмұнды шара болды. Абай шығармашылығын үлгі ету арқылы оқушыларды адалдыққа, имандылыққа, отаншылдыққа тәрбиелеу – «Адал азамат» бағдарламасының басты міндеттерімен толық үйлесім тапты. Осындай іс-шаралар жасөспірімдерді мәдениетті, парасатты, зерделі және жауапкершілігі жоғары тұлға ретінде қалыптастыруға ерекше ықпал ететіні сөзсіз.
