МОНШАҒА ҚОЙЫЛАТЫН ТАЗАЛЫҚ ТАЛАПТАРЫ
Жұқпалы ауруларды кең таралуы төтенше жағдай туғызатын эпидемиологиялық ахуал болып табылады. Сондықтан да оны алдын алу жұмыстарына зор мән берілуі тиіс. Түрлі жұқпалы аурулардың микробтары өте тез өсетін орынның бірі монша. Моншаларда гигиеналық талаптардың сақталуы аса маңызды.
Түркістан қаласы бойынша 37 монша мен SPA салон қалалық санитариялық-эпидемиологиялық бақылау басқармасының бақылауына алынған.
Сала мамандары моншаға барған кезде азаматтардың гигиена сақтауын үнемі есте ұстауын ескертеді.
Моншада түрлі жұқпалы аурулардың алдын алу үшін әрдайым тазалық пен жеке гигиенаны сақтау маңызды.
Моншаны дұрыс пайдалану үшін, ең алдымен аяқ киім кию керек. Резеңке аяқ киім кию арқылы саңырауқұлақ ауруларынан сақтанасыз. Себебі резеңкелі аяқ киім дезинфекциялық құралдармен залалсыздандыруға қолайлы. Қоғамдық моншаларда резеңке аяқ киім әрбір келушіден кейін фунгицидтік әсері бар дезинфекциялау құралдарымен өңделуі тиіс.
Бассейнге немесе бу бөлмесіне барар алдын адам ағзасында тұратын терді, кірді және микроорганизмдерді жуу үшін сабынмен немесе денеге арналған басқа жуғыш заттармен жуу керек.
Жеке бас гигиенасын сақтау мақсатында моншаға сүлгіңізді немесе жаймаларыңызды әкелуге кеңес береміз. Табиғи материалдардан жасалған – мақта немесе жүннен жасалған бас киімге немесе шарфқа арналған бас киімді қолданған жөн. Сыпырғышпен соғынуды ұнататындарға қолдарды жоғары температурадан қорғау үшін жүн мен мақтадан жасалған қолғап қолданған абзал. Бу бөлмесіне бармас бұрын шашты жууға немесе суламауға кеңес беріледі. Өйткені дымқыл шаш тез қызады, әсіресе құрғақ буда. Салдарынан ыстық өтіп кетуі мүмкін.
Ешбір жағдайда бу бөлмесінен кейін бассейнге қарқынды сүңгуге болмайды. Бу бөлмесінен кейін душ қабылдау керек, содан кейін бассейнге бару ұсынылады.
Жеке моншалардың иелері бассейнде су ауыстыру туралы есте сақтау керек. Өйткені бассейндерде су тез ластанады, сондықтан оны күн сайын зарарсыздандыру және ауыстыру қажет.
Моншадағы едендерді, сөрелерді, орындықтарды жуу және дезинфекциялау үнемі жүргізілуі керек. Жеке кабинкаларда әр келушіден кейін, қоғамдық моншада едендерді тазалау және жуу күнделікті және қажеттілігіне қарай жүзеге асырылады. Монша жабылғаннан кейін үй-жайлардағы ағаш беттерін жуу және тазалау технологиялық нұсқаулыққа, дайындаушының қолдану жөніндегі нұсқаулығына сәйкес қолдануға арналған жуу және дезинфекциялау құралдарын қолдана отырып, щеткалармен тазартылады. Содан кейін қарқынды ағынды сумен шайылады. Кейін бу бөлмесінің есігін ашық қалдырамыз және қыздыруды өшіреміз. Бу бөлмені тазалау және дезинфекциялау тек қана зең және ауру тудыратын микроорганизмдер мен саңырауқұлақтар өсуін болдырмау үшін ғана емес, ауаның таза болуы үшін қажет.
Жуыну бөлмесінде, киім шешетін бөлмеде, киім ілгіште, санитариялық тораптарда, персоналдың тұрмыстық үй-жайларында дезинфекциялау құралдарын қолдана отырып, ылғалды жинау жүргізілуі тиіс.
Үй-жайларда ауа желдеткіші жұмыс істеуі тиіс. Парилен үй-жайларындағы ауа температурасын бақылауды жүзеге асыру мақсатында термометр көзделеді.
Жоғарыда аталған ережелерді денсаулыққа зиян келмес үшін орындау керек.
