ҮШІНШІ МЕГАПОЛИСТЕ “ЖАҢА БЕЛЕСТЕГІ ЖАСТАР” ФОРУМЫ ӨТТІ

Жастар – қоғамның ең белсенді және жаңашыл бөлігі. Олар қоғамның дамуына серпін беріп, жаңа идеяларды жүзеге асыруда басты рөл атқарады. Әлем тарихына көз жүгіртсек, әрбір ірі өзгерістер мен реформаларда жастардың ықпалы зор болғанын көреміз. Себебі жастар – жаңа ойдың, жаңашылдықтың, өзгеріске деген құлшыныстың қайнар көзі. Қазақстанның болашағы да жастардың қолында. Ел ертеңі осы буынның білімділігіне, патриоттығына және белсенділігіне байланысты. Әрбір ұлттың болашағы – оның жас ұрпағы. Қазақстанның дамуы мен өркендеуі үшін жастардың білімді, жауапты және жан-жақты болуы аса маңызды. Жастардың қоғамдағы рөлі олардың тек сандық көрсеткішімен ғана емес, сапалық қасиеттерімен де анықталады. Қазіргі таңда Қазақстан халқының 20%-дан астамы жастар болып табылады, бұл елдің үлкен демографиялық әлеуетін көрсетеді. Осы әлеуетті дұрыс пайдаланып, жастарды тиімді бағытқа бейімдесе, Қазақстанның келешегі жарқын болары сөзсіз.  

Жастар – еңбек нарығындағы басты күш. Олар жаңа технологияларды тез меңгеріп, инновацияларды енгізуде белсенді. Жастардың креативті ойлары мен тың идеялары экономикаға жаңа серпін береді. Сонымен қатар, шағын және орта бизнестегі жастардың рөлі ел экономикасын әртараптандыруға ықпал етеді.  Жастар қоғамның саяси өміріне де ықпал етеді. Қазіргі заманғы демократиялық мемлекеттерде жастардың саяси көзқарастары мен бастамалары үлкен маңызға ие. Олар қоғамдық мәселелерге белсенді қатысып, өздерінің пікірлерін еркін жеткізеді. Қазақстанда «Жас Отан» жастар қанаты, «Болашақ» бағдарламасы сияқты ұйымдар мен жобалар жастардың саяси сауаттылығын арттырып, олардың ел басқару ісіне араласуына жағдай жасайды. Жастар мәдениеттің дамуына ықпал ете отырып, ұлттық құндылықтарды жаңғыртады. Олар тек дәстүрлерді сақтап қана қоймай, заманауи өнер мен мәдениет арқылы елді әлемге танытады. Музыка, кино, әдебиет, спорт сияқты салаларда жастардың шығармашылығы ұлттық брендке айналуда. Цифрлық дәуірде жастардың технологияға жақындығы олардың қоғамдағы рөлін арттырады. Бүгінгі таңда IT саласында, жасанды интеллект пен робототехникада жастардың үлесі айрықша. Олардың бұл саладағы жетістіктері Қазақстанның бәсекеге қабілеттілігін арттырып, әлемдік аренада елдің беделін көтереді. Жастардың қоғамдағы рөлі ерекше болғанымен, олардың алдында шешілуі тиіс көптеген мәселелер тұр. Жастардың сапалы білім алуы және еңбек нарығында өз орнын табуы маңызды. Бұл үшін оқу орындарының сапасын арттыру, дуалды білім беру жүйесін дамыту және жастарды кәсіпкерлікке тарту қажет. Зиянды әдеттер жастардың денсаулығына ғана емес, олардың болашағына да кері әсер етеді. Сондықтан салауатты өмір салтын насихаттау, спорттық іс-шараларды көбейту маңызды. Тұрғын үй, гранттар мен стипендиялар мәселесі де жастар үшін өзекті. Мемлекет тарапынан жас отбасыларға және ауыл жастарына қолдау көрсету арқылы олардың өмір сүру деңгейін жақсартуға болады. Жастардың ел болашағы үшін жауапкершілігін арттыруда патриоттық тәрбие маңызды. Олар өз тарихын, тілін, мәдениетін біліп, құрметтеуі тиіс. Қазақстанның әрбір жас азаматы елдің дамуына өз үлесін қосуға міндетті. Бүгінгі жастар білімімен, іскерлігімен және азаматтық белсенділігімен ерекшеленуі керек. Мемлекет те жастарға қолдау көрсетіп, олардың әлеуетін ашуға жағдай жасауы тиіс. Қазіргі таңда елімізде жастарға арналған көптеген мемлекеттік бағдарламалар жүзеге асырылуда. Мысалы, «Дипломмен – ауылға», «Жасыл ел», «Бизнестің жол картасы» сияқты жобалар жастардың белсенділігін арттыруға бағытталған. Сонымен қатар, 2019 жылдың «Жастар жылы» деп жариялануы да мемлекет тарапынан жастарға үлкен мән берілетінін көрсетеді. Жастар – қоғамның қозғаушы күші ғана емес, оның болашағының кепілі. Қазақстан жастары өздерінің білімдерімен, белсенділіктерімен және отансүйгіштіктерімен елді биік шыңдарға жеткізуге қабілетті. Олар жаңа идеялар мен бастамаларды жүзеге асырып, қоғамның алға жылжуына үлес қосуда. Жастардың әрбір қадамы – ел болашағына деген инвестиция. Сондықтан әрбір жас азамат өз мүмкіндіктерін толық пайдаланып, Отанымыздың гүлденуіне атсалысуы тиіс. Жастардың күші, жігері және рухы – Қазақстанның ең үлкен байлығы. Осы орайда, Шымкент қаласындағы М.Әуезов атындағы ОҚУ-нде «Жаңа белестегі жастар» атты форум өтті. Форумға Университеттегі өзге этнос профессор-оқытушылар құрамы және студент жастар қатысты. Мемлекет басшысы Қасым-Жомар Тоқаевтың Қазақстан халқы Ассамблеясының «Бірлік. Жасампаздық. Өрлеу» атты 33 сессиясында берген тапсырмасына орай ұйымдастырылған форумға, еліміздің өзге де өңірлерінен жастар жиналған. Мемлекетімізде қоғамдық келісім мен жалпыұлттық бірлікті қамтамасыз ету үшін жастардың белсенділігі мен өнерпаздығын дамыту мақсатында құрылған Студенттік Қазақстан Ассамблеясы алдағы уақытта құрамын кеңейте бермек. “Қазақстан халқы Ассамблеясы – еліміздегі этносаралық келісімді нығайтудың бірегей институты. Біздің оқу орнымыз Ассамблеяның идеяларын қолдай отырып, білім алушылар  арасында достық, толеранттылық және өзара құрмет мәдениетін қалыптастыруға ерекше назар аударып келеді. Қазіргі таңда оқу орнымызда 400-дей өзге этнос профессор-оқытушылар қызмет етеді. 2000-ға жуық білім алушыларымыз бар. Осындай үлкен білім ордасының көпэтностылығы жағдайына ұйымдастырушылық қызмет көрсету үшін арнайы «Тұлға дамыту және Қазақстан халқы Ассамблеясы» орталығы жұмыс жасауда. Орталық «Қазақстан халқы Ассамблеясы» кафедраларының «Шаңырақ» атты қауымдастығына мүшелік етеді. Ал жаңадан құрылғалы отырған Студенттік Қазақстан халқы Ассамблеясы біздің қоғамның саналуандылығын құрметтеуге, бірлігімзді арттыруға және өзара түсіністікті тереңдетуге мүмкіндік береді” — деді М.Әуезов атындағы ОҚУ Басқарма мүшесі-Қоғаммен байланыс және мәдениет жөніндегі проректор Садыбек Бейсенбаев. Отырыста этнос аралық қатынастар арасында жүргізіліп жатқан мемлекеттік, саяси бағыттар мен студенттік ассамблеяның міндеттері нақтыланды. Бұл маңызды бастама әртүрлі ұлт өкілдерін жақындастырып, ортақ құндылықтарымызды насихаттауға ерекше үлес қосады. Жастар – әр қоғамның қозғаушы күші, жаңашылдықтың бастауы, елдің болашаққа деген үміті. Қай дәуірде болмасын, жас ұрпақтың білімі мен қабілеті, жігері мен ұмтылысы қоғамның дамуына айрықша ықпал етті. Қазақстан үшін де жастардың рөлі ерекше. Өйткені жас буын – тәуелсіздігімізді баянды етіп, мемлекетімізді нығайтуға қабілетті басты күш. «Жастар – кемел келешектің кілті» деуіміздің мәні де осында: елдің болашағы олардың қолында. Жастардың артықшылығы – олардың білімге құштарлығы, жаңашылдыққа ұмтылысы, батылдығы мен жігерлілігі. Олар ғылым мен технологияда, экономикада, мәдениетте, тіпті саясатта да жаңа белестерді бағындыра алады. Жастардың бұл қабілеттері дұрыс бағыт-бағдар берілгенде ғана толығымен жүзеге асады. Сондықтан мемлекет жастарға қолдау көрсетуге, олардың әлеуетін ашуға мүдделі. Жастардың қоғамның дамуына тигізетін ықпалын бірнеше негізгі бағыттар бойынша қарастыруға болады. Білім – кез келген елдің өркендеуінің негізі. Қазіргі заман жастарының білімге деген құштарлығы еліміздің дамуы үшін шешуші рөл атқарады. Жастардың ғылыми жаңалықтар ашуы, жаңа технологияларды меңгеруі Қазақстанды әлемдік аренада бәсекеге қабілетті мемлекетке айналдыруға мүмкіндік береді. Жастар – еңбек нарығындағы негізгі күш. Олардың тың идеялары, кәсіпкерлік бастамалары мен инновациялық шешімдері экономикаға серпін береді. Қазақстанда жастарға арналған «Жас кәсіпкер», «Дипломмен – ауылға» сияқты бағдарламалар олардың экономикалық белсенділігін арттыруға бағытталған. Жастар – ұлттық мәдениеттің сақтаушылары және оны жаңғыртушылар. Олар дәстүрлерді заман талабына сай бейімдеп, ұлттық құндылықтарды әлемдік деңгейге шығаруға қабілетті. Сонымен қатар, өнер мен спорт саласында да жастардың жетістіктері Қазақстанды халықаралық деңгейде танытып жүр. Жастардың қоғамның саяси өміріне араласуы мемлекеттің демократиялық дамуының көрсеткіші болып табылады. Қазақстанда «Жас Отан» жастар қанаты, «Қазақстан жастары конгресі» сияқты ұйымдар жастардың саяси сауатын арттырып, олардың ел басқару ісіне қатысуына мүмкіндік береді.  Жастардың еріктілік қызметтері, экологиялық қозғалыстарға қатысуы, қайырымдылық шараларын ұйымдастыруы қоғамдағы әлеуметтік мәселелерді шешуге көмектеседі. «Жасыл ел» қозғалысы сияқты бастамалар экологияны жақсартуға, қоршаған ортаға жауапкершілікпен қарауға бағытталған. Жастар – елдің болашағы ғана емес, оның бүгінгі күнінің де маңызды бөлігі. Олардың жігері мен белсенділігі Қазақстанның дамуына серпін береді. Жастардың білімді, жауапты, рухани бай болуы – кемел келешектің кепілі. Сондықтан мемлекет, қоғам және әрбір азамат жастарды қолдап, олардың әлеуетін ашуға жағдай жасауы қажет. Кемел келешекке ұмтылған Қазақстан жастарының әрбір қадамы Отанымыздың жарқын болашағын қалыптастыруға үлес қосады. Елдің дамуы мен гүлденуі – олардың қолында. Бұл жауапкершілікті сезіне отырып, әрбір жас азамат елге адал қызмет етуге ұмтылуы тиіс. «Жастар – кемел келешектің кілті» деген ұғым осылайша іс жүзінде жүзеге асуы керек.  Айта кетейік,, бүгінде шымкенттік жастар өте белсенді жұмыс істеп келеді. Мәселен, жуырда Шымкент қаласының өнерпаздарынан құралған бір топ делегация Катар мемлекетінің астанасы Доха қаласында өнер көрсетті. Іссапардың мақсаты — Қазақстан Республикасының Ұлттық мерекесі 25 қазан — Республика күнін Доха қаласында салтанатты атап өту, сондай-ақ екі ел арасындағы мәдениет және туризм салаларындағы ынтымақтастықты нығайту. Іс-шара барысында делегация жетекшісі Мөлдір Оңдасынова Катар Мәдениет министрлігінің Халықаралық ынтымақтастық жөніндегі департамент басшысы Мариям Аль Хаммадимен ресми кездесті. Кездесу барысында Шымкент және Доха қалалары арасындағы туристік-мәдени қарым-қатынасты нығайту мәселелері талқыланды. Іс-шара аясында қазақтың дәстүрлі өнері және рухани құндылықтарын насихаттайтын концерттік бағдарлама ұсынылып, қолөнер туындылары және ұлттық тағамдар көрмесі өтті. Салтанатты шараға Катардың бірқатар мемлекеттік министрлері, елшілер, ҚР цифрлық даму, инновациялар және аэроғарыш өнеркәсібі министрі Жаслан Мәдиев және ҚР Катар мемлекетіндегі елшісі Арман Исағалиев қатысты. Жалпы елімізде мәдениет саласын дамыту елдің ұлттық болмысы мен рухани құндылықтарын сақтауда және қоғамның әлеуметтік-экономикалық дамуына үлес қосуда маңызды бағыттардың бірі саналады. Мемлекет ұлттық мәдениетті қорғау мен насихаттау, тарихи мұраларды жаңғырту және мәдени инфрақұрылымды дамыту мақсатында бірқатар жобаларды жүзеге асыруда. Бұл шаралар ұлттың бірегейлігін нығайтып, халықаралық аренада Қазақстанның мәдениетін танымал етуге бағытталған. Қазақстанда театр және кино өнері арқылы қоғамды рухани және эстетикалық байытуға бағытталған жобалар жүзеге асырылуда. Театрлар жаңа шығармашылық туындылар қойып, халықтың мәдени қажеттіліктерін қанағаттандыруда. Жыл сайын елімізде «Астана Опера», «Қазақстан Республикасының Ұлттық театры», «Қазақфильм» студиясы сынды ірі театрлар мен кино студиялары көптеген жаңа қойылымдар мен фильмдер дайындауда. Сонымен қатар, Қазақстанда түрлі халықаралық және ұлттық деңгейдегі кинофестивальдер өткізіліп тұрады. «Еуразия» кинофестивалі, «Бастау» және «Шәкен жұлдыздары» сияқты фестивальдер жас таланттарды қолдап, олардың әлемдік деңгейдегі мәдени жобаларға қатысуына мүмкіндік береді. Бұл іс-шаралар арқылы Қазақстандық кино өнері халықаралық аренада танылып, еліміздің мәдени имиджін арттыруда.