ҰСТАЗДЫҚ — ӨМІРЛІК ҰСТАНЫМЫ

Анарбаева Салима Ағабекқызы — Биология пәнінің мұғалімі. Л.Н.Гумилев атындағы Еуразия университетін бітірген ол 1998 жылдан бастап қызмет етуде. Бүгінде педагог-зерттеуші санатындағы мұғалім Шымкент қаласы, білім басқармасының №90 дарынды балаларға арналған мамандандырылған мектеп-гимназиясында ұстаздық жолын жалғастырып келе жатыр.

Ұстаздық еткен еңбек жолында бірнеше жетістіктерге жетіп, мектепшілік, аудандық сайыстарға қатысып жүрген ізденімпаз ұстаз. Шәкіртінің жанына нұр құйып, бар білімін оқушыға арнаған, өмірге өзі де бақытты болып, өзгелерді де бақытқа жеткізсем деп жүретін ұстаздың жөні де, жолы да бөлек. Оқушы зейінін нығайтып, білімнен нәр беруі ұстаз үшін үлкен жеміс. Салима Ағабекқызы шәкірттерді жетістікке жетелеп жүрген жанның еңбегі өлшеусіз. Еңбегінің нәтижесінде бірнеше Алғыс хаттардың иегері атанды.

Ол сонымен бірге педагогикалық және ғылыми тәжірибені жинақтау, тарату, пайдалану бойынша жемісті еңбектердің авторы. «Медициналық білім негіздері» авторлық бағдарлама. Алматы 2021ж «Функционалдық сауаттылыққа арналған тапсырмалар жинақтары» (биология пәніне арналған авторлық бағдарлама) 2023 ж.

Салима Ағабекқызы тәрбиелеген шәкірттер де республикалық, облыстық, қалалық байқауларда үздіктер атанып жүр. 26 жылдан ұстаздық қызметте келе жатқан ол үш баланың анасы.