ШАРТТЫ ТҮРДЕГІ ЖАҒДАЙЛАР БОЙЫНША ҚҰТҚАРУШЫЛАРДЫҢ ТӘЖІРИБЕЛІК ДАҒДЫСЫ ШЫҢДАЛДЫ
Түркістан қаласында 24-25 қараша күндері «Қыс-2022» республикалық командалық оқу-жаттығу шарасы өткізілді,-деп хабарлайды uakit.kz Түркістан қаласы әкімдігінің баспасөз қызметіне сілтеме жасап.
Екі күнге жалғасқан шара асында сағат 09.00-де «Қарғын-2002» сигналы түскен сәтте Түркістан қаласының Азаматтық қорғау қызметтеріне, мекемелер мен шаһар тіршілігін қамтамасыз ету нысандарына және «Қыс-2022» РКШОЖ қатысатын мекемелерге қабылданған сигнал жеткізілді.
Оқу-жаттығу практикалық түрде 112 пультіне жылдамдығы 25м/сек дауылды жел, қатты жауған қар және ауа температурасы -30°C әсерінен мынадай хабарламалар түскен:
1-хабарлама: Түркістан қаласындағы «Жылу» МКК орталық қазандығына өрт және авария орын алып, 1-ші және 2-ші мөлтек аудандардағы тұрғын (1500-абонент) үйлер мен мекемелерге жылу беру тоқтағандығы туралы;
2-хабарлама: Осы күні Түркістан қаласы Отырар мөлтек ауданындағы электр трансформаторында қысқаша тұйықталу орын алып, көп қабатты тұрғын үйлер жарықсыз қалуы.
3- хабарлама: Отырар мөлтек ауданында жер астынан өткен су құбыры жарылып, көше бойларына су тасып, тұрғындар сусыз қалып, халықтың тыныс тіршілігі бұзылғандығы туралы;
4-хабарлама: Түркістан қаласы, Тараз көшесі №74 үй тұрғындарының айтуынша, белгісіз автокөлікпен орташа қысымды ДУ-89 мм жер үсті газ құбырына соқтығысып, нәтижесінде газ құбырында авария орын алған. Табиғи газсыз қалғандар саны алдын ала мәліметтерге сәйкес 800 абонентті құрайды.
Шартты түрдегі оқу-жаттығу барысында орын алған төтенше жағдайларды жою жұмыстары жүргізілді. Жалпы оқу-жаттығуға 41 техника 118 адам жұмылдырылды.
