ИНФЕКЦИЯ ЖҰҚТЫРҒАН 600-ДЕН АСТАМ ӘЙЕЛ ДЕНІ САУ ҰРПАҚ ӘКЕЛДІ
Шымкентте АИТВ жұқтырған 646 әйел өмірге дені сау ұрпақ әкелген. Бұл туралы ЖИТС-тің алдын алу және оған қарсы күрес жөніндегі орталық мамандары мәлемдеді. Салаға жауаптылардың сөзінше, инфекция жұқтырған аналар мен балалар қоғамға қауіпті емес.
Шымкентте ВИЧ жұқтырған 646 әйел босанған. Орталықта тіркеуде тұратын азаматшалардың барлығы дені сау сәбиді дүниеге әкелген. Инфекция жұқтырған аналардың балаларын дәрігерлер бір жылдан кейін ғана есептен шығарып, диагноз қояды. Салаға жауаптылардың сөзінше, ВИЧ-ке шалдыққандардың басым бөлігі жыныстық қатынас арқылы жұқтырғандар. Өкініштісі сол, инфекция жұқтырғандар ауруын мойындамай, ем жасауға қарсылық танытады. Бірақ АИТВ инфекциясын жұқтырғандар дер кезінде ем алса, өмір сүру ұзақтығы дені сау адаммен бірдей болады дейді мамандар.
—АИТВ адам ағзасын әр түрлі инфекциядан қорғайтын иммунды жүйені зақымдайды. Біз АИТВ инфекциясын емдеуде ДДҰ ұсынған хаттамаларды қорлданамыз. Дертке шалдыққан адамның өмірін дәрі беру арқылы ұзартуға болады. Егер дәрі ішіп, уақытылы ем алса өмір ұзақтығы табиғи сау адамен бірге созылуы мүмкін: Сондай-ақ дені сау бала әкеле алады,- дейді Шымкент қалалық ЖИТС-тің алдын алу және онымен күрес жөніндегі орталықтың бас дәрігерінің орынбасары Қожахмет Маширов.
АИТВ инфекциясы бар азаматтарға ЖИТС орталықтарында емдеу жұмыстары тегін жүргізіледі. Айта кету керек, Шымкент қаласында коронавирустық инфекцияның эпидемиологиялық жағдайы салыстырмалы тұрақты. Қала эпидемиологиялық жағдайды бағалау матрицасына сәйкес, 2022 жылғы 05 ақпаннан бастап «жасыл» аймақта. 2023 жылғы 1 қаңтарынан бастап бүгінгі таңға дейін COVID-19 инфекциясының 203 жағдайы тіркелді, оның ішінде симптоммен — 195, симптомсыз — 8. 18 жасқа дейінгі балалар арасында 79 (38,9%) жағдай тіркелді. 2023 жылғы 1 қаңтарынан бастап бүгінгі таңға дейін COVID-19 (U07.2) пневмониямен 17 жағдай тіркелді. Барлығы 215 короновирус инфекциясының ошағы анықталған, оның ішінде 25 ұйымдастырылған ұжымдарда тіркелген. Бүгінгі таңға 36 белсенді ошақ қадағалануда, оның ішінде үй ошақтары — 24, 12 — ұйымдастырылған ұжымдарда тіркелген. Барлығы 591 қарым-қатынаста болған адам анықталып, медициналық бақылауға алынған. Тіркелген ошақтарда індетке қарсы іс-шаралар толығымен жүргізілген. Науқастарды ерте анықтау және індетті таралуға жол бермеу мақсатында соңғы тәулікте 41 зертханалық тексерулер жүргізілді, оның ішінде оң нәтижемен 1 жағдай анықталды.
