ТҰРАНДА ЖҮЗЕГЕ АСҚАН ЖҰМЫС КӨП
Шымкент қаласының әкімі Мұрат Әйтеновтің Тұран ауданы тұрғындарымен есептік кездесуі өтіп, жиында ауданның әлеуметтік-экономикалық даму көрсеткіштері мен алдағы жоспардың орындалу барысы баяндалды.
Қазір аудан аумағындағы 20 елдімекеннің тұрғындары тұрақты түрде сапалы ауыз су тұтынуда. Биыл Құрсай шағынауданын тіршілік нәрімен қамту жұмыстары аяқталады. Осыған дейін су жүйелерінің 92 %-ы, яғни 151 шақырымы тартылған. Жоспар бойынша ауданның ауызсумен қамту көрсеткіші жыл соңына дейін 100 пайызды қамтитын болады. Ал, сапалы электр қуатымен елдімекендердің 99,5 пайызы қамтамасыз етілген. Бүгінде Құрсай шағынауданының жаңақұрылыс аумағын сапалы жарықпен қамту мақсатында жобалау жұмыстары жүргізіліп жатыр. Құрылыс келесі жылға өтпелі. Былтырғы жылы Ақтас, Ақтас-2 және Ақжар, Арғымақ елдімекендерін газдандыру құрылысы аяқталған. Қазіргі уақытта «ҚазТрансГаз» тарапынан құбырларға сынама жұмыстары жүргізілуде. Табиғи газ аталған шағынаудандарға жылу маусымына дейін берілетін болады. Ал, Айкөл, Құрсай, Жаңаталап шағынаудандарының жаңақұрылыс аумағын газдандыру үшін бүгінде жобалау сметалық құжаттамасы әзірленуде. Аудан 2025 жылы көгілдір газбен толық қамтылатын болады. Мұрат Дүйсенбекұлы халық тарапынан түскен барлық сұрақтарға жауап беріп, жаңа ауданның инфрақұрылымын жақсарту бағытындағы жоспарларды түсіндірді. Сондай-ақ аудан әкіміне басқарма басшыларымен тығыз жұмыс жүргізіп, азаматтардың талап-тілектеріне қатысты шұғыл шаралар қабылдауды тапсырды. Айта кету керек, биыл Тұран ауданы аумағындағы 22 көше жарықтандырылады деп жоспарланған. Қазіргі Құрсай елді мекеніндегі Аққыстау көшесін жарықтандыру жұмысы басталып, нысан маусым айында толық іске қосылатын болады. Жарықтандырылатын көшелер — Жанаталап ш/а Әбдраймов көшесі, Ақтас тұрғын алабының орталық көшесі, 112 ш/а Народовольцев көшесі, Отырар ш/а Ішкі орам көшесі, Кіші Самал ш/а Ескендіров көшесі, Кіші Самал ш/а Әбсеитов көшесі, Чехов көшесі, Қазығурт ш/а Аққыстау көшесі, 4 ш/а Балапан Ата көшесі, Спорт ш/а Ішкі орам көшесі, Самал-1 ш/а Әбдраимұлы көшесі, Қойбағаров көшесі, Металист көшесі, Қазығұрт ш/а Бөгенбай батыр көшесі, Қазығұрт ш/а Мүсірепов көшесі, Қазығұрт ш/а Бақытты көшесі, Қазығұрт ш/а Қызылқұм көшесі, Ақтас елді мекеніндегі атауы жоқ көше, Жаңаталап е/м Айдарқұлов көшесі, Құрсай е/м Таңатар көшесі, Құрсай е/м Аққыстау көшесі, Құрсай е/м Қармақшы көшесі.
