Түркі әлемінің Мұхтар Шахановқа құрметі

Түркі әлемінде ғылым мен мәдениет саласында қызмет көрсететін ең беделді ұйымдардың бірі болып табылатын Түркі әлемі жазушылары мен өнер қайраткерлері қорының президенті (TÜRKSAV) Яхья Акенгин Қазақстанның халық жазушысы, Қырғызстанның халық ақыны, «Түркі тілдес халықтар арасындағы ең үздік әлем ақыны» атағының иегері, қоғам қайраткері Мұхтар Шахановқа «Түркі әлеміне дара қызметі үшін» халықаралық сыйлықты 2013-жылдың мамыр айында Нью-Йоркта (АҚШ) өтетін «Түрік күні» атты мәдени-ғылыми конференция аясында ұйымдастырылатын салтанатты кеште табыс етілетінін хабарлады.
Естеріңізге сала кетейік, атаулас халықаралық сыйлық Алаш жұртының заңғар ақыны һәм мақтанышы Мұхтар Шахановқа 2006 жылы Әзірбайжан Республикасындағы «Вектор» халықаралық академиясында Түркия, Әзірбайжан , Солтүстік Кипр мемлекеттері атынан «Түрік әлеміне сіңірген ерен еңбегі үшін » атты алтын медаль мен аталған академияның құрметті докторы атағы берілген болатын.

Нұржан ҚОҢЫРБАЙ