ҰСТАЗДАРЫН ҰЛЫҚТАҒАН

Төлеби ауданында мұғалімдердің кәсіби мерекесіне орай салтанатты жиын ұйымдастырылды. Жиын басында, аудандық мәдениет үйі алаңында қызыл кілем төселіп, ардақты ұстаздарымызды арнайы қарсы алды.
Бүгінгі білім қазынасына үлес қосып, ұрпақтар зердесіне ғылым мен білімнің дәнін сеуіп жүрген ұстаздар қауымын құттықтау үшін алғашқы сөз аудан әкімі Омарбеков Бауыржан Бақытұлына берілді.
«Шығыс даналығында «Ұстаз да диқан сияқты, әр адамның жанына білім дәнін себеді» деген ұлағатты сөз бар. Бұл мәңгілік ұлағаттың, сарқылмас руханияттың дәні. Кемел келешек пен бақытты болашақтың кілті білім мен ғылымда. Бұл жолдың бастаушысы — Ұстаз. Өскелең ұрпаққа білім беріп, тәрбиелеу ісіне атсалысып, уақытпен санаспай атқарған қажырлы еңбектеріңіз үшін өз ризашылығымды білдіремін»- деді, аудан басшысы өз құттықтауында. Сондай ақ бүгінгі іс-шарада аудандық маслихат хатшысы Қойбағаров Нұрлан Хамзаұлы да өз құттықтау сөздерін айтты.
Салтанатты іс- шарада шәкіртке білім беру жолында талмай еңбек еткен, ауданымыздың білім саласының дамуына өз үлестерін қосқан мұгалімдер аудан әкімінің және аудандық мәслихат хатшысының атынан Грамоталармен және Алғыс хаттармен марапатталды.
Мерекелік іс-шара педогогикалық қызметке алғаш кірген жас мұғалімдердің ант қабылдау рәсімі мен концерттік бағдарламаға ұласты.
Төлеби ауданы әкімдігінің баспасөз қызметі