ТҮРКІСТАН: ТӨТЕНШЕ ЖАҒДАЙ ҚЫЗМЕТІ 20 ТЕХНИКАМЕН ТОЛЫҚТЫ

Түркістан облыстық төтенше жағдайлар департаменті су жаңа техникамен толықты. Төтенше жағдай қызметкерлеріне облыс әкімі Өмірзақ Шөкеев 20 өрт сөндіру автокөліктерінің кілтін табыстады,-деп хабарлайды uakit.kz Түркістан облысы әкімдігінің баспасөз қызметіне сілтеме жасап.

Ресейлік зауыттан арнайы тапсырыспен жеткізілген техника заманауи құрал-жабдықтармен толық қамтылған.

Өз кезегінде облыс әкімі төтеншеліктерге техника кілтін салтанатты жағдайда табыс ету шарасында  «Сіздердің еңбектеріңіз адал. Қауіптің бел ортасында жүріп төтенше жағдайлармен тиімді күрес жүргізіп келесіздер. Осы уақытқа дейін көптеген жетістіктерге қол жеткіздіңіздер. Апатпен күресте жоғарғы кәсібилік және жанқиярлық еңбектеріңізге алғыс айтамыз», — деді.

Бүгінгі таңда, өңірде өрт сөндіру қызметінде 167 өрт сөндіру техникасы бар. Оның басым көпшілігі өрт сөндіру автокөліктері де, қалғаны көмекші автокөліктер. Соңғы үш жылда облыстық Төтенше жағдайлар департаментінің материалдық базасын нығайтуға облыстық бюджеттен 66 бірлік техника алынды.

uakit.kz