80 ЖЫЛДЫҚ ТАРИХ – БОЛАШАҚҚА ДЕГЕН СЕНІМНІҢ ЖАРҚЫН СИМВОЛЫ

Этносаралық татулық – Қазақстанның тұрақты дамуы мен әлеуметтік-экономикалық өркендеуінің негізгі құндылықтарының бірі. Қазақстан – көпұлтты мемлекет, онда әртүрлі ұлттар мен ұлыстар бейбіт қатар өмір сүріп, бір мақсатта дамып келеді. Елдің этносаралық татулықты сақтау мен нығайту жолындағы саясаты оның тұрақтылығының, ішкі келісімінің және халықаралық аренада беделінің жоғары болуының басты себептерінің бірі болып табылады. Этносаралық татулық – елдегі тұрақтылық пен қауіпсіздікті қамтамасыз етудің басты кепілі. Тату-тәтті өмір сүру және әртүрлі мәдениет пен дәстүрлерді құрметтеу арқылы қоғамда бейбітшілік пен өзара түсіністік орнайды. Бұл тұрақтылық әлеуметтік-экономикалық дамуға ықпал етіп, елдің халықаралық аренада беделін арттырады. Этносаралық татулық – елдегі экономикалық өсім мен әлеуметтік дамудың маңызды факторы. Қоғамдағы әртүрлі этникалық топтардың бейбіт қатар өмір сүруі мен бір-біріне құрмет көрсетуі тұрақты экономикалық дамуға, инвестициялық тартымдылыққа және жаңа жұмыс орындарын құруға мүмкіндік береді. Бұл елдің дамуына және халықтың әл-ауқатының артуына ықпал етеді.

Этносаралық татулық қоғамның мәдени алуан түрлілігі мен рухани байлығын қамтамасыз етеді. Қазақстанда әртүрлі этникалық топтардың мәдениеті, дәстүрлері мен тілі сақталып, дамып келеді. Мәдениетаралық диалог пен өзара ынтымақтастық қоғамдағы рухани құндылықтарды нығайтуға және мәдени байлықты арттыруға мүмкіндік береді. Қазақстан этносаралық татулықты сақтау үшін арнайы мемлекеттік саясатты жүзеге асырады. Ел Конституциясында әрбір азаматтың ұлттық ерекшеліктерін құрметтеу, тілі мен мәдениетін сақтау құқығы қамтамасыз етілген. Сонымен қатар, Қазақстан халқы Ассамблеясы сияқты институттар этносаралық келісімнің басты құралдарының бірі болып табылады, ол этникалық топтар арасында өзара түсіністік пен бейбітшілікті нығайтуға ықпал етеді. Қазақстан халқы Ассамблеясы – этносаралық татулық пен қоғамдық келісімді қамтамасыз ететін маңызды институт. Оның құрамына әртүрлі этникалық топтардың өкілдері кіреді, және бұл Ассамблея этносаралық диалогты қамтамасыз етіп, мәдени шараларды ұйымдастырады. Ассамблеяның жұмысы арқылы этникалық топтар арасындағы өзара түсіністік пен ынтымақтастық күшейіп, қоғамдағы тұрақтылық сақталады. Этносаралық татулықты нығайту үшін мәдени іс-шаралар мен білім беру саласы маңызды рөл атқарады. Түрлі этникалық мерекелер, фестивальдер және мәдени форумдар ұйымдастырылып, олар халықты біріктіруге және әртүрлі мәдениеттерді таныстыруға бағытталған. Мектептер мен жоғары оқу орындарында этносаралық қатынас тақырыбына арналған арнайы бағдарламалар мен курстар өткізілуде, бұл жас ұрпақтың өзара түсіністік пен төзімділікті үйренуіне ықпал етеді. Этносаралық татулықты сақтау үшін ақпараттық және түсіндіру жұмыстарының маңызы зор. Бұқаралық ақпарат құралдары мен әлеуметтік желілер арқылы этникалық топтар арасындағы бірлік пен татулықты насихаттау, халық арасында ақпараттық-түсіндіру жұмыстарын жүргізу этносаралық қатынастардың маңыздылығын арттырады. Бұл халықтың этносаралық келісімге деген көзқарасын қалыптастырып, бір-біріне құрметпен қарауға үйретеді. Қазақстан халқы Ассамблеясы этносаралық татулықты қамтамасыз ету бағытында көптеген жетістіктерге қол жеткізді. Оның ұйымдастыруымен көптеген мәдени шаралар, форумдар және кездесулер өткізіліп, әртүрлі этникалық топтар арасындағы өзара түсіністік пен ынтымақтастық нығайды. Ассамблеяның арқасында Қазақстанда этносаралық қатынастардың тұрақты болуы мен мәдени алуан түрліліктің сақталуы қамтамасыз етілді. Қазақстанда этносаралық келісімнің нәтижесінде елде тұрақтылық пен бейбітшілік сақталып келеді. Бұл елдің экономикалық дамуына, халықаралық аренада беделінің артуына және қоғамдағы тұрақтылықты нығайтуға үлкен үлес қосты. Этносаралық татулық – Қазақстанның тұрақтылығы мен дамуының кепілі. Мемлекеттік саясат, Қазақстан халқы Ассамблеясының жұмысы, мәдени іс-шаралар және ақпараттық-түсіндіру жұмыстары арқылы этносаралық келісім мен өзара түсіністік нығайтылуда. Қазақстандағы этносаралық татулық қоғамның тұрақты дамуына, мәдени алуан түрлілік пен рухани байлықты сақтауға ықпал етуде. Бұл құндылықтарды сақтау мен дамыту еліміздің тұрақты дамуының және халықтың әл-ауқатын арттырудың басты шарттарының бірі болып табылады. Бұл  тұрғыдан келгенде, елімізде аталған бағытта ауқымды шаралар ұйымдастырылып келеді. Мәселен, бүгін Шымкенттегі «Достық үйінде» ахысқа түріктерінің Қазақстанға қоныстануының 80 жылдығына арналған іс-шара өтті. Іс-шараға Қазақстан халқы Ассамблеясы Төрағасының орынбасары – ҚР Президенті Әкімшілігі Қазақстан халқы Ассамблеясы Хатшылығының меңгерушісі Марат Әзілханов, Шымкент қаласы әкімінің орынбасары Сәрсен Құранбек, Дүниежүзілік ахысқа түріктері Одағының президенті Зиятдин Касанов, Түркия Республикасының Алматы қаласындағы Бас консулы Мудеррисоглы Эврен, «Шымкент қалалық «Ахысқа» түрік этномәдени орталығы» қоғамдық бірлестігінің төрағасы, Түркия Республикасының Қазақстан Республикасындағы құрметті консулы Латипша Асанов арнайы қатысты. Алдымен «Достық үйі» алдындағы «Қазақ еліне мың алғыс» монументіне гүл шоқтарын қойған құрметті қонақтар Қазақстандағы ахысқа түріктері туралы деректер қамтылған ақпараттық стендтер мен қолөнер көрмесін тамашалады. «Достық үйінің» үлкен залында Қазақстан Республикасының Мемлекеттік Гимнімен бастау алған іс-шара барысында ахысқа түріктерінің Қазақстанға қоныстануының 80 жылдығына орай әзірленген бейнеролик жұртшылық назарына ұсынылды. Қазақстан халқы Ассамблеясы Төрағасының орынбасары – ҚР Президенті Әкімшілігі Қазақстан халқы Ассамблеясы Хатшылығының меңгерушісі Марат Әзілханов өз сөзінде ахысқа түріктерінің бүгінгі Қазақстанның ажырамас бір бөлігіне айналғанын айтты. “Қазақстандағы этностар арасында ахысқа түріктерінің орны ерекше. 80 жыл бойы қазақтың киелі жерінде өмір сүріп, ортақ құндылықтарды бөлісе отырып, тарихымызды бірге жазудамыз. Осы уақыт ішінде біз барлық қиындықтар мен қуаныштарды бөлісіп, достығымызды күшейте түстік. 80 жылдық тарих – бауырмалдықтың, төзімділіктің және ортақ болашаққа деген сенімнің жарқын символы” – деді ҚХА Төрағасының орынбасары Марат Әзілханов. Шымкент қаласы әкімінің орынбасары Сәрсен Құранбек алдымен жиналған көпшілікке қала әкімі Ғабит Әбдімәжитұлы Сыздықбековтың құттықтауын жеткізіп, 1944 жылы болған тарихи жағдайға айрықша тоқталды. “Алғаш ахысқа түріктері Қазақстанға қоныстанғанда бұл мереке емес еді. Ол сәт ел басына күн туған, ер етігімен су кешкен, ат ауыздығымен су ішкен қиын-қыстау заман болды. Сталиндік саясат көптеген ұлт өкілдерін Қазақстанға жер аудартты. Әрине олар, өркендесін-өссін, көгеріп-көктесін деп ойламағаны айдан анық. Дегенмен, түбі бір түркі жұртына қазақ халқы шама-шарқы келгенше қолұшын созды. Барлығы бірлесіп, бүгінгі бейбітшілік заманға аман-есен жетті. Қазақстанның дамуына ахысқа түріктерінің қосқан үлесі бар. Жаңа қазақ халқына деген ризашылықтарыңызды білдірдіңіздер. Біз  де өз кезегінде осынша жыл бізбен бірге болғандарыңызға, ортақ еліміздің, мемлекетіміздің гүлденуіне, өркендеуіне қосқан сүбелі үлестеріңізге алғысымызды айтамыз” – деді Сәрсен Абайұлы. Іс-шараға арнайы келген құрметті қонақтар өз құттықтауларын жеткізіп, жұртшылықтың ыстық ықыласына бөленді. Бірқатар белсенді азаматтарға Қазақстан халқы Ассамблеясының «Алғыс» төсбелгісі мен Шымкент қаласы әкімінің Алғыс хаты табысталды.  Мерекелік іс-шара концерттік бағдарламамен  жалғасын тапты. Айта кетейік, бүгінде еліміздің үшінші мегаполисі – Шымкент қаласында 7 мыңға жуық түрік этносының өкілдері тұрады. Қалалық Қазақстан халқы Ассамблеясы жанында әрекет ететін «Шымкент қалалық  «Ахысқа» түрік этномәдени орталығы» қоғамдық бірлестігі қашанда ел игілігіне бағытталған бастамаларға атсалысып, қоғамдық келісім мен жалпыұлттық бірлік саласындағы мемлекеттік саясат аясында жемісті жұмыс істеп келеді.