ОНДАҒАН КӨШЕГЕ АСФАЛЬТ ТӨСЕЛЕДІ
Үшінші мегаполисте жол құрылысы саласында бірқатар ауқымды жұмыстар атқырылып келеді. Жүзеге асқан жұмыс көп. Оны жазып та келеміз. Айрықша айта кетерлігі, биыл қала орталығындағы көшелерге емес, шалғайдағы елді мекендер мен шағынаудандардың жолын жақсарту ісіне айрықша көңіл бөлініп келе жатыр.
Ағымдағы жылы Әл-Фараби ауданында ұзындығы 11 шақырымды құрайтын орталық пен ішкі орамдық көшелерге асфальт төсеу жұмысы жоспарланып отыр. Атап айтқанда Сәуле шағынауданындағы Жеңістін 50 жылдығы тұйығы №1,2 көше, Жастар мен Жабаев тұйығы, Марқакөл, Ақсемсер көшесі, Жаңабазар тұйығы және Мұратбаев көшесінің жалғасы жөнделеді. МЖК шағынауданындағы Терешкова тұйығы, Терешкова өткелі, Қамал тұйығы (Застенная). 275 орамдағы Ақмылтық, Қаржантау, Үшағаш және Баянауыл көшесі. Сонымен бірге, қайта қалпына келтіретін Бекетті мен Красноярский көшесі, Желтоқсан және Іляев көшелерінің қиылысы Байтұрсынов көшесіне кіреберісі де бар. Ақжайық шағынауданында Ақжирен, Сәйгүлік, Самғау, Тайқоныр көшесі. 195 орам Қарағанды, Ақжайқын, Қызылтас, Жалаулы және №1 көшелер. Самал-2 шағынауданындағы Жабай ата мен Мейірбеков көшесі. Жандосов тұйығы, Қалдаяқов көшесінен Хадиша балабақшасына дейін. Қазіргі сәтте, 275 орамда (4 көше), МЖК шағынауданында (3 тұйық) және 195 орамда (5 көше) асфальт салу жұмыстары аяқталды. Биыл Шымкент қаласындағы сапасыз жолдар мәселесі бірашама шешімін табады. Қазіргі таңда 2 жолайрық салынып жатыр. Биыл Рысқұлов-Қонаев жолайрығы толық пайдалануға беріледі. Арғынбеков-Бәйдібек би жолайрығы-ның құрылысы басталды, келер жылы аяқталады. Аталған бағыттағы жұмыстар аяқталса, көшелердегі көлік ағыны азайып, көпті мезі еткен кептеліс мәселесі шешімін табады. Биылғы ресми көрсеткіштерге сүйенсек, қаладағы жақсы және қанағаттанарлық жолдардың үлесі 64,7 пайызды құрап отыр. Жол құрылысы алдағы бірнеше жылда жанданып, ірі жобалар жасалады. Бастама толығымен орындалса, 2025 жылға қарай жақсы және қанағаттанарлық деңгейдегі жолдардың көрсеткіші 79 пайыздан бір-ақ аспақ. Әрине, қыруар іс жергілікті әкімдіктің тікелей бақылауында екенін естен шығармаған жөн. Қала әкімі Мұрат Дүйсенбекұлы атқарылған жұмыстардың сапасын тікелей өзі бақылап, тиісті тапсырмаларды беріп келе жатыр.
