САМАРҚАНҒА «ИСЛАМ ӘЛЕМІНІҢ МӘДЕНИ АСТАНАСЫ» МӘРТЕБЕСІН БЕРУ РӘСІМІ ӨТТІ
Түркі мәдениеті және мұрасы қорының президенті Ақтоты Райымқұлова Самарқан қаласына «2025 жылғы Ислам әлемінің мәдени астанасы» мәртебесін беру жөніндегі ресми рәсімге қатысып, салтанатты жиында құттықтау сөз сөйледі.
Самарқанд – әлемдегі ең көне әрі танымал қалалардың бірі, екі жарым мың жылдан астам уақыт бойы әлемдік өркениеттер тоғысқан мәдени орталық, сондай-ақ Орталық Азиядағы Ұлы Жібек жолының аса маңызды торабы болып келді. Бұл мәртебенің берілуі қаланың тарихи және мәдени ерекше маңызын айқындай түседі.
Түркі мәдениеті және мұрасы қоры бұл бастаманы толық қолдайды. Ол ислам және түркі әлемдерінің рухани мұрасын сақтау мен мәдениетаралық диалогты дамытуға бағытталған.
Салтанатты рәсімге 20-дан астам елдің өкілдері, сондай-ақ беделді халықаралық ұйымдардың басшылары қатысты. Іс-шара жоғары деңгейде ұйымдастырылды. Қор Өзбекстан Республикасын осы айтулы оқиғамен шын жүректен құттықтап, елге өркендеу мен табыс тілейді.
Сонымен қатар, бауырлас Өзбекстанның Түркі мәдениеті және мұрасы қорының толыққанды мүшесі ретінде ресми түрде қосылғанын қуана хабарлаймыз. Бұл маңызды қадам мәдени ынтымақтастықты кеңейтуге және бірлескен бастамаларды жүзеге асыруға жаңа мүмкіндіктер ашады.
