ШЫМКЕНТ: КОММУНАЛДЫҚ ТӨЛЕМ БОЙЫНША БАЙЛАНЫС ОРТАЛЫҒЫ ҚҰРЫЛДЫ

355
0

Бүгін Шымкентте төтенше жағдай кезінде коммуналдық қызметтер үшін берілетін 15 мың теңге өтемақы туралы азаматтарға кеңес беретін  Call-орталық жұмысын бастады. 
Орталық таңғы 9:00-18:00-ге дейін, үзіліссіз жұмыс істейді.



15 000 теңгеден берілетін әлеуметтік көмек бойынша туындаған сауалдар болса, енді 8(7252) 39-23-68 нөміріне хабарласуларыңызға болады.

Айта кетсек, мемлекеттік органдардың ұсынысы негізінде коммуналдық шығыны үшін төлем алушылардың келесі санаттары айқындалған. Олар:
— 1, 2, 3 топ мүгедектері;
— мүгедек балаларды тәрбиелеп отырған отбасылар;
— көпбалалы отбасылар;
— ҰОС мүгедектері мен қатысушылары, ҰОС мүгедектері мен қатысушыларына теңестірілген тұлғалар;
— мемлекеттік немесе қоғамдық міндеттерін, әскери қызметін орындау барысында, ғарыш кеңістігіне ұшуға дайындық барысында немесе ұшу кезінде, адам өмірін құтқару және құқық тәртібін сақтау кезінде қаза тапқан тұлғалардың отбасылары;
— төмен және одан аз зейнетақы алатын зейнеткерлер;
— атаулы әлеуметтік көмек алатын азаматтар, оның ішінде жалғызбасты зейнеткерлер.