«ТЕҢІЗШЕВРОЙЛ» ШЫМКЕНТ ӨНІМДЕРІН ТАҢДАЙДЫ

«ТЕҢІЗШЕВРОЙЛ» ШЫМКЕНТ ӨНІМДЕРІН ТАҢДАЙДЫ

Шымкент қаласының әкімі Ғ.Әбдірахымов «Теңізшевройл» компаниясының бас директоры Имер Боннер бастаған делегаттарды қабылдады. Кездесуде компания жобасында қазақстандық қамтуды арттыру жөніндегі жоспарларды жүзеге асыру барысы талқыланды.

«Теңізшевройл»  ЖШС бүгінде Шымкент қаласында орналасқан мотор майларын шығаратын «HILL» ЖШС, «Стандарт цемент» ЖШС, «Шымкентцемент» АҚ, бетон өнімдерін шығаратын «Нур-Строй» ЖШС, «Ордабасы Құс» және «Шай әлемі» ЖШС өнімдерін қолдануда.

Қала әкімі компания өкілдерін жергілікті өнімдер үлесін арттыра отырып, Шымкенттегі бизнесті дамытуға өз үлестерін қосуға және қалада орналасқан өндіріс орындарының жұмысымен танысып, олармен келісімге отыруға шақырды.

Айта кетейік, 2018 жылы «Теңізшевройл»  тарихында рекордты 3,5 миллиард АҚШ доллары болатын сомаға қазақстандық тауарлар мен қызметтерді сатып алған.

uakit.kz

ПІКІР ЖАЗУ