ҮШІНШІ МЕГАПОЛИС ҮЗДІК ҮШТІКТЕН КӨРІНДІ

Отандық ақпарат құралы Қазақстандағы ең бақытты қалалар рейтингісін жариялады. Рейтингтің үздік үштігіне  еліміздегі Нұр-Сұлтан, Шымкент қалалары мен Ақмола облысы кірген. Түркістан облысы төртінші орынға табан тіресе, Маңғыстау облысы бесінші орынға жайғасқан.  

Бұл рейтинг әлеуметтік төлемдер, білім беру, медицина, ауыз су,  мемлекеттік қызметтер, халықтың денсаулығы, қазақстандықтарды туыстарының қолдауы, іс-қимыл еркіндігі және қайырымдылық жасау мүмкіндігі сынды құндылықтар көрсеткішіне негізделіп жасалған.

Ең бақытты қала деңгейі бойынша Қарағанды облысы   ең соңғы орынды иеленіп отыр. Ал Алматы қаласы 14-ші орынға ие болған.